B1 Livel mesan 

L orar de scumenciamënt dl ejam ie dat dant tla lëtra de nvit. L ie assolutamënter de bujën de unì a tëmp y ëura. Tulëde pea n documënt d’identificazion che vel y na biro bruma o foscia.
L ejam de bilinguism B1 ie metù adum da 4 modui.

L prim modul ie la proa de cumprenscion tl scuté su che dura n 30 menuc. 

Dadedò vën la proa de cumprenscion dl test scrit y la produzion scrita. Ëis dl’aurela 90 menuc. 

Canche jëis ora de tlas ala fin dla proa scrita udëis i orars di ejams a usc ndichei dlongia l usc. I ejams scumëncia dala 13:30. Per la proa a usc iel preudù 10 menuc de preparazion y 10 menuc d’ejam. 

DE MPURTANZA: Per superé l ejam iel de bujën de giapé de ndut almanco 60 ponc sun 100 te tramedoi lingac. 

Tla proa de cumprenscion tl scuté su audiëis la registrazion de n test tl lingaz talian y un tl lingaz tudësch. Messëis senië la drëta respostes tl medemo lingaz dl test che ëis iust audì. Dan scuté su ëis dl’aurela doi menuc per liejer la plata de lëur cun la dumandes multiple choice, pona scutëis su l test y ala fin dla registrazion ëis mo dl’aurela doi menuc per mëter la crëujes pra la respostes che minëis sibe drëtes. Scutëis su l test n segondo iede y ala fin dla registrazion ëis mo doi menuc per pensé sëura sun la respostes. 

Ejëmpl 1 
1_Scuté su_B1_talian [audio] - 1_Plata_de_lëur_B1_talian - 1_soluzions_B1_talian 
1_Scuté su_B1_tudësch [audio] - 1_Plata_de_lëur_B1_tudësch - 1_soluzions_B1_tudësch 

Ejëmpl 2 
2_Scuté su_B1_talian [audio] - 2_ Plata_de_lëur_B1_talian - 2_Soluzions_B1_talian 
2_Scuté su_B1_tudësch [audio] - 2_Plata_de_lëur_B1_tudësch - 2_Soluzions_B1_tudësch 

Ejëmpl 3 
3_Scuté su_B1_talian [audio] - 3_ Plata_de_lëur_B1_talian - 3_Soluzions_B1_talian 
3_Scuté su_B1_tudësch [audio] - 3_Plata_de_lëur_B1_tudësch - 3_Soluzions_B1_tudësch 

DE MPURTANZA: La plates de lëur dla proa de cumprenscion tl scuté su ne daussa cuntenì auter che la crëujes damandedes per ndiché la drëta resposta. Uni plata muessa resté anonima defin y perchël ne daussëis nia sotscrì o fé sënies de recunescimënt che pudëssa lascé recunëscer vosta identità.
Ntan i ejams ne daussen no se nuzé de dizioneres bilinguei no de dizioneres monolinguei. 

La proa de cumprenscion dl test vën fata sun la plates partides ora. Giapëis n test per uni lingaz. La plates cuntën n test per talian cun dumandes per tudësch y n test per tudësch cun dumandes per talian. La dumandes ie cun respostes da pudëi crì ora o cun respostes drët y falà. 
Po giapëis n test da loces da cumpleté cun chël che l vën verificà la curetëza linguistica. 
L ultim duvier ie chël de scrì n test da vosc pont de ududa persunel sun l argumënt dat dant (80-100 paroles). Per dejëujer chësc duvier giapëis doi plates de protocol, una per uni lingaz. Canche ëis finà vosc tema messëis dé sëura l numer de paroles che ëis adurvà. Per chisc doi modui ëis a despusizion 90 menuc. 

L vën valutà chësta cumpetënzes: 

• Ademplimënt dl duvier  
• Strutura y coerënza 
• Lessich
• Curetëza 

La njontes “talian” y “tudësch” ti inuemes di documënc di ejëmpli tlo dessot fej referimënt al lingaz dl test de partënza.

Ejëmpl 1 
1_proa_scrita_B1_talian 
1_proa_scrita_B1_tudësch 

Ejëmpl 2 
2_proa_scrita_B1_talian 
2_proa_scrita_B1_tudësch 

Ejëmpl 3 
3_proa_scrita_B1_talian 
3_proa_scrita_B1_tudësch 

Ejëmpl 4 
4_proa_scrita_B1_talian 
4_proa_scrita_B1_tudësch 

Ejëmpl 5 
5_proa_scrita_B1_talian 
5_proa_scrita_B1_tudësch 

Ejëmpl 6 
6_proa_scrita_B1_talian 
6_proa_scrita_B1_tudësch 

Ejëmpl 7 
7_proa_scrita_B1_talian 
7_proa_scrita_B1_tudësch 

Ejëmpl 8 
8_proa_scrita_B1_talian 
8_proa_scrita_B1_tudësch 

DE MPURTANZA: Uni plata muessa resté anonima defin y perchël ne daussëis nia sotscrì la plata o fé lessú sënies de recunescimënt che possa lascé pensé a vosta identità. 
Ntan l ejam ne iel nia preudù de pudëi adurvé no dizioneres plurilinguei no dizioneres monolinguei. 

Per la proa a usc giapëis na plata cun doi tematiches. Pudëis crì ora te ciun lingaz che ulëis traté l prim argumënt, ntan che per l segondo argumënt ve nuzëis dl auter lingaz. Dan l ejam a usc iel na fasa de preparazion che dura 10 menuc. Ntan che ve njiniëis pudëis ve fé vel nota che pudëis pona tò pea tla tlas d’ejam. 
Tl scumenciamënt dl ejam ve vëniel damandà de ve prejenté n curt. De chësta prejentazion vëniel tenì cont pra la valutazion. I cumëmbri y la cumëmbres dla cumiscion possa fé dumandes sun uni pert dl ejam te tramedoi lingac. 

L vën valutà chësta cumpetënzes: 

• Ademplimënt dl duvier 
• Strutura y coerënza 
• Lessich  
• Curetëza 

Ejëmpli per la proa a usc: 

ejëmpl 1 
ejëmpl 2 
ejëmpl 3 
ejëmpl 4 
ejëmpl 5 

DE MPURTANZA: La cunversazion dl ejam a usc vën registreda per rejons de protocolazion. Chësc vën fat aldò di criters n forza che ie unic apurvei cun la deliberazion dla Jonta provinziela n. 183 di 07.03.2023.
Te deguna pert dl ejam ne daussen rujené per dialet. 
Ntan i ejams ne iel nia preudù che n posse se nuzé de dizioneres bilinguei o monolinguei. 

Istruzions sun l cumpurtamënt ntan l ejam. 

Cialëdeti ala sezion dedicheda ala preparazion, abinerëis truep cunsëies de utl, ndicazions y link sun la preparazion al ejam.  

Cialëde la grilia de autovalutazion linguistica dl Cheder de referimënt europeich n cumenanza per i lingac: iló udëis la descrizion dla cumpetënzes damandedes per l livel B1 y per uni auter livel.