Ejam te un n lingaz livel C1

L'orar de scomenciamënt dl ejam vëgn dé dant tla lëtra d'invit. Al é da rové söl'ora. Tolesse para n documënt d'identité varënt y n biro bröm o fosch. 

L'ejam te un n lingaz C1 é partí sö te cater perts:

Proa de comprenjiun tl ascuté sö: döes proes de comprenjiun tl ascuté sö, ca. 30-35 menüc.

Proa de comprenjiun tla letöra: döes proes de comprenjiun de n test y n test da loces.
Ejam scrit: al é da scrí dui tesć.
Por chëstes döes perts dl ejam ëise a desposiziun indöt 120 menüc.

Ejam a usc: Do che i ëis stlüt jö l'ejam scrit, ciafarëise defora dala classa l'orar dl ejam a usc. I ejams a usc mët man dales 13:30.
Al vëgn odü danfora 10 menüc de preparaziun al ejam y 10 menüc d'ejam. 

IMPORTANT: Por passé l'ejam él da arjunje indöt almanco 60 punc sön 100.

Tla proa de comprenjiun tl ascuté sö él da ascuté sö dui tesć. I podëis aldí trami i tesć dui iadi.
Pro le pröm test ciafëise na plata cun 8 domandes multiple choice; pro vigni domanda él 4 poscibilités de resposta. Al é da mëte na crusc ma sön öna na resposta.
Pro le secundo test ciafëise na plata cun 8 domandes che i messëis respogne cun parores tle.

Chiló ciafëise n ejëmpl de na proa de comprenjiun tl ascuté sö por todësch:

Test 1
1_Ascuté_C1_todësch [Audio] - 1_Test_C1_todësch - 1_Plata de laur_C1_todësch - 1_Soluziuns  C1_todësch

Test 2 
2_Ascuté_C1_todësch [Audio] - 2_Test_C1_todësch- 2 Plata de laur_C1_todësch - 2_Soluziuns_C1_todësch

Chiló ciafëise n ejëmpl de na proa de comprenjiun tl ascuté sö por talian:

Test 1
1 Ascuté C1 talian [audio] - 1 Test C1 talian - 1 Plata de laur C1 talian - 1 Soluziuns C1

Test 2 
2 Ascuté C1 talian [audio] - 2 Test C1 talian - 2 Plata de laur C1 talian - 2 Soluziuns C1
 
IMPORTANT: Sön les plates dla proa de comprenjiun tl ascuté sö pól ma ester les crusc che dá dant ostes respostes. Vigni plata mëss resté daldöt anonima. Porchël ne pón nia fá sëgns de reconescimënt lassura che podess fá capí osta identité.
Tratan i ejams ne pón nia adoré dizionars monolinguai o bilinguai.

La proa de comprenjiun tla letöra é metüda adöm da trëi perts. 
Tla pröma pert vëgnel verifiché la comprenjiun globala tres n test da 8 domandes multiple choice cun cater poscibilités de resposta. Ma öna dles cater respostes é dërta.
Tla secunda pert vëgnel verifiché la comprenjiun seletiva cun 8 tesć cörc a chi che al é da ti mëte pormez 8 titui.
Tla terza pert vëgnel verifiché la comprenjiun detaiada tres n test da loces. Ara se trata de test da 8 loces ; pro vignöna él da chirí fora danter trëi respostes multiple-choice. Ma öna na resposta é dërta.

Chiló ciafëise n ejëmpl de na proa de comprenjiun tla letöra por todësch:

Pröma pert
1_Test_C1_todësch - 1_Plata de laur_C1_todësch - 1_Soluziuns_C1_todësch

Secunda pert
2_Test_C1_todësch - 2 Plata de laur_C1_todësch - 2_Soluziuns_C1_todësch

Terza  pert 
3_Test_C1_todësch - 3 Plata de laur_C1_todësch - 3_Soluziuns_C1_todësch 

Chiló ciafëise n ejëmpl de na proa de comprenjiun tla letöra por talian:

Pröma pert
1_Test_C1_talian - 1_Plata_de_laur_C1_talian - 1_Soluziuns_C1

Secunda pert
2_Test_C1_talian - 2_Plata_de_laur_C1_talian - 2_Soluziuns_C1

Terza  pert 
3_Test_C1_talian - 3_Plata_de_laur_C1_talian - 3_Soluziuns_C1

IMPORTANT: Sön les plates dla proa de comprenjiun tla letöra él ma da mëte na crusc sön les respostes che i chiriëis fora o da inserí les lëtres che ti corespogn ala resposta tla tabela aposta. Vigni plata mëss resté daldöt anonima.
Tratan i ejams ne pón nia adoré dizionars monolinguai o bilinguai.

Pro l'ejam scrit él da scrí dui tesć tl lingaz dl ejam sön la basa de punc de contignü preformulá y n numer de parores dé dant: 

• na tuta de posiziun (ca. 250 parores) y
• na lëtra (ca. 120 parores).

I tesć mëss gní scric cun frases intieres sön les plates de laur che ves vëgn partides fora; canche i ëis rové él da dé dant le numer dles parores jödapé di tesć.

Chisc é i criters de valutaziun di dui laurs scric:

• ademplimënt dl compit;
• strotöra y coerënza;
• lessich;
• coretëza.

Chiló ciafëise n ejëmpl de na proa scrita por todësch y talian:

proa scrita por todësch
Laur scrit 1
Laur scrit 2

proa scrita por talian
Laur scrit 1
Laur scrit 2

IMPORTANT: Sön les plates de laur pól ma ester i dui tesć scric. Vigni plata de laur mëss resté daldöt anonima. Tratan i ejams ne pón nia adoré dizionars monolinguai o bilinguai. 

Dan l'ejam a usc ciafëise na plata cun dui argomënc por n referat cört y na minunga personala sön un n argomënt. Do la fasa de preparaziun de 10 menüc, mët man l'ejam a usc, olache i podëis s'anuzé dles anotaziuns che i s'ëis fat. Duc i ponc cumpedei su muessa unì tratei. Canche i ëis rové osta esposiziun se fej la comisciun n valgönes domandes sön i argomënc tratá. Tl scomenciamënt dl ejam messëise se presenté en cört ala comisciun; de chësta presentaziun ne gnarál nia tigní cunt tla valutaziun.

Al vëgn valuté chëstes competënzes:

• ademplimënt dl compit;
• strotöra y coerënza;
• lessich;
• coretëza.

Ejëmpli per la proa a usc C1 por todësch:
ejëmpl 1
ejëmpl 2
ejëmpl 3
ejëmpl 4

Ejëmpli per la proa a usc C1 por talian:
ejëmpl 1
ejëmpl 2
ejëmpl 3
ejëmpl 4

IMPORTANT: L'ejam a usc vëgn tut sö por gní protocolé, sciöche preodü dai criters varënc aprová cun deliberaziun dla Junta provinziala n. 183 di 07.03.2023.
Pro vigni pert dl ejam él da ciaré da ne adoré nia le dialet.
Tratan i ejams ne pón nia adoré dizionars monolinguai o bilinguai.

Istruziuns sön co se comporté tratan l’ejam.

Jide sön nosta plata sot a “S’arjigné ca al ejam”. Dailó ciafëise informaziuns d’öga, consëis y link por s’arjigné ca al ejam.

Ciaredeti ince ala tabela de autovalutaziun linguistica dl Cheder de referimënt europeich en comunanza por i lingac: chiló vëgnel descrit avisa les competënzes che vá debojëgn por le livel C1 y por vigni ater livel.