Ladin A2: Livel de basa

Sön l’invit él scrit canche l’ejam mët man. Al é important che i rovëise adalerch por tëmp y ora. Tolesses para n documënt d'identificaziun che vel y na biro börna o foscia. 

Proa de comprenjiun tl ascuté sö: 15 menüc.

Proa scrita: Respogne a na e-mail cun frases intieres y test da loces, 50 menüc. 

Do che i ëis stlüt jö l'ejam scrit, odëise taché sö dan classa i orars dl ejam a usc. La proa a usc mët man de regola dales 13:30.  

Proa a usc: proa de comprenjiun da lí le test, plata de laur y domandes lëdies: 20 menüc, de chisc 10 menüc por s’arjigné ca. 

IMPORTANT: Por passé l’ejam vál debojëgn de altamo 60 de 100 punc.

Pro la proa de comprenjiun tl ascuté sö aldon dui iadi n test che döra 45 secunc. Sön la plata de laur él 3 domandes cun 3 respostes. Ma öna na resposta é dërta.

Dorada: ca. 15 menüc 

Chiló ciafëise n valgügn ejëmpli dla proa de comprenjiun tl ascuté sö: 

Gherdëna

Ejëmpl 1: 1_Ascute_A2_Ghe-Lad [Audio] - 1_Platadelaur_A2_Ghe-Lad - 1_Soluzioun_A2_Ghe-Lad 
Ejëmpl 2: 2_Ascute_A2_Ghe-Lad [Audio] - 2_Platadelaur_A2_Ghe-Lad - 2_Soluziun_A2_Ghe-Lad 

Ladin dla Val Badia

Ejëmpl 1: 1_Ascute_A2_VB-Lad [Audio] - 1_Platadelaur_A2_VB-Lad - 1_Soluziun_A2_VB-Lad 
Ejëmpl 2: 2_Ascute_A2_VB-Lad [Audio] - 2_Platadelaur_A2_VB-Lad - 2_Soluziun_A2_VB-Lad 

IMPORTANT: Sön les plates de laur dla proa de comprenjiun tl ascuté sö pól ma ester les crusc sön les respostes chirides fora. Vigni plata de laur mëss resté daldöt anonima. Porchël ne pón nia sotescrí o ajunté val' ater sëgn da chël che an podess capí che che i sëis. Tratan i ejams ne pón nia adoré dizionars monolinguai o bilinguai. 

Le de dl ejam ciafëise n test cun dui compic:

• Respogne a na e-mail cun frases intieres (30–40 parores). Le numer de parores mëss gní scrit dessot. 
• Test da loces: Metede ite tles trëi frases la parora che mancia. I podëis chirí fora danter trëi parores. 

Dorada: 50 menüc

Al vëgn valuté chëstes competënzes: 

• ademplimënt di compic 
• coerënza y fluidité   
• capazité d'espresciun   
• coretëza gramaticala 

Chiló ciafëise n valgügn ejëmpli por la proa a usc:  

Gherdëna

Ejëmpl 1 Ladin de Gherdëna: 1_Compic_A2_Ghe 
Ejëmpl 2 Ladin de Gherdëna: 2_Compic_A2_Ghe 

Ladin dla Val Badia 

Ejëmpl 1 Ladin dla Val Badia: 1_Compic_A2_VB 
Ejëmpl 2 Ladin dla Val Badia: 2_Compic_A2_VB 

IMPORTANT: Vigni plata de laur mëss resté daldöt anonima. Porchël ne pón nia sotrissé o ajunté val' ater sëgn da chël che an podess capí che che i sëis. Tratan i ejams ne pón nia adoré dizionars monolinguai o bilinguai. 

Proa a usc y proa de comprenjiun: 20 menüc, de chisc 10 menüc por s’arjigné ca.  

Proa de comprenjiun tl ascuté sö: I ciafëis na plata de laur cun n test por ladin y cater domandes, trëi de chëstes reverda le contignü dl test y la cuarta é la basa por le discurs lëde. 

Proa a usc: Ara mët man cun na picia presentaziun. Ala fin ves vëgnel fat la cuarta domanda sön la plata de laur che öga por n discurs lëde. I podëis ves anuzé de ostes notizes por so desfiramënt. Pro la secunda pert dl ejam ves vëgnel fat domandes scëmples.

Al vëgn valuté chëstes competënzes: 

• ademplimënt di compic
• coerënza y fluidité 
• capazité d'espresciun 
• coretëza gramaticala 

Chiló ciafëise val‘ ejëmpli por la proa a usc dl livel A2:

Ejëmpl 1 Gherdëna 
Ejëmpl 2 Gherdëna 

Ejëmpl 1 Ladin dla Val Badia 
Ejëmpl 2 Ladin dla Val Badia 

IMPORTANT: Vigni plata de laur mëss resté daldöt anonima. Porchël ne pón nia sotrissé o ajunté val' ater sëgn da chël che an podess capí che che i sëis. Tratan i ejams ne pón nia adoré dizionars monolinguai o bilinguai. 

L'ejam a usc vëgn tut sö por gní protocolé, sciöche preodü dai criters varënc aprová cun deliberaziun dla Junta provinziala n. 183 di 07.03.2023.

Istruziuns sön co se comporté tratan l’ejam.  

Ciaredeti a nosta plata sön co s’arjigné ca al ejam de Ladin. Chiló ciafëise informaziuns d’öga, consëis y links por s’arjigné ca al ejam de ladin. 

Ciaredeti ala tabela de autovalutaziun linguistica dl Cheder de referimënt europeich en comunanza por i linagc olache al vëgn descrit avisa les competënzes che vá debojëgn por le livel A2 y düc i atri liví.