Ejams a Bornech y Roma

Cun deliberaziun dla Junta provinziala n. 394 di 10 de jügn dl 2025 él gnü fat fora che i ejams de bilinguism y de ladin pó ince gní fac defora da Balsan.

NOBIS a Bornech (Foto: Servisc Ejams de bi- y trilinguism)

Che pó pa fá l’ejam a Bornech o Roma?

Les candidates y i candidac bele scric ite che n'á nia ciamó ciafé n termin por l'ejam pó se scrí ite online clican sön chësc link Registraziun por la sënta d’ejam a Bornech o Roma pornanche al vëgn publiché la data d'ejam por Bornech o Roma.

METEDE AVERDA: le link é MA atif sce al vëgn publiché na data d’ejam por na sënta destacada sön la homepage. Controlede che le livel d’ejam proponü ti corespognes a chël por chël che i s’ëis scrit ite.

Les prömes 12 porsones che se scrí ite ciafará automaticamënter n termin por l'ejam tla sënta chirida fora. Dötes les atres ciafará na desdita tres e-mail, mo süa iscriziun romagnará tl sistem y ares podará indô se scrí ite por d'atres dates tles sëntes destacades; scenó gnaráres inviades tla sënta d'ejam de Balsan n iade tomé le tëmp d'aspeta.

L'invit al ejam gnará dé jö sciöche dagnora tl raiun personal de myCIVIS.

Descurí deplü sön i ejams a Bornech y a Roma

Sëntes d‘ejam

Bornech: NOI-Techpark, via Europa 9, 39031 Bornech
Roma: Sënta destacada dla Provinzia Autonoma de Balsan-Südtirol

Al momënt vëgn i ejams a Bornech fac un o dui iadi al mëis. I ejams a Roma mëss impormó gní planificá.

Sorts d’ejam

Bornech:

Ejams de bilinguism
Ejams monolinguai (do le reconescimënt de na zertificaziun linguistica o titul de stüde)
Ejams de ladin

Roma (tl laur da gní planificá):

Ejams de bilinguism
Ejams monolinguai (do le reconescimënt de na zertificaziun linguistica o titul de stüde)

Desfiramënt dl ejam

L'ejam vëgn fat te n de su:

Bornech: scomenciamëntdales 8:30.
Roma: (tl laur da gní planificá) scomenciamënt dales 9:00.

I ejams a usc mët man de regola do la palsa da misdé.

Informaziuns d'öga:

Desfiramënt y strotöra dl ejam de bilinguism aladô dl livel

Desfiramënt y strotöra dl ejam monolingual aladô dl livel

Desfiramënt y strotöra dl ejam de ladin aladô dl livel

Dates dl ejam

I termins vëgn de regola publicá n iade al mëis sön la homepage.

Informaziuns importantes

Sce an röia massa tert ne pón nia fá l’ejam.
Al vá debojëgn de n documënt d'identité cun fotografia varënt.
Les desdites mëss gní lasciades alsavëi altamo trëi dis da laur dan la data dl ejam, scenó ne pón nia plü fá ejams por sis mëisc alalungia.
An pó sburlé un n iade su la data dl ejam cun n preavis de altamo trëi dis da laur.

Deplü informaziuns: el@provinzia.bz.it o tel: 0471 414100.

Ejams de bilinguism y ladin