Formaziun por le personal insegnant

La conescënza dles particolarités dl ejam de bilinguism, olache al vëgn valuté tl medemo momënt la competënza linguistica de dui lingac, pó daidé le personal insegnant da arjigné ca sü studënc y sües studëntes a na moda mirada. Porchël pitunse cursc de formaziun por le personal insegnant de talian y todësch L2 dles scores altes en colaboraziun cun les ispeturies y i ispeturs responsabli dles döes Direziuns Istruziun y Formaziun.

Ales porsones che tol pert ti vëgnel pité informaziuns sön i modui dl ejam y la valutaziun dles competënzes, y al ti vëgn dantadöt mostré ejëmpli de coreziuns y dé consëis pratics sön la basa dl’esperiënza dla comisciun d’ejam. Al fej pert dla formaziun ince les informaziuns sön i aspec organisatifs dl ejam, sciöche ince sön les mosöres de sostëgn y compensaziun por i candidac y les candidates cun dejabilité o dificoltés.

I termins atuai é da ciafé tl plann de formaziun provinzial de vigni Direziun Istruziun y Formaziun.