Ladin C1: Livel alt

Sön l’invit él scrit canche l’ejam mët man. Al é important che i rovëise adalerch por tëmp y ora. Tolesses para n documënt d'identité che vel y na biro börna o foscia.  

Proa de comprenjiun tl ascuté sö: 10 menüc.

Proa scrita: n ressumé y na tuta de posiziun lëdia sön le test talian o todësch y n test da loces por ladin: 90 menüc.

Do che i ëis stlüt jö l'ejam scrit, odëise taché sö dan classa i orars dl ejam a usc. La proa a usc mët man de regola dales 13:30.

Proa a usc: proa de comprenjiun de n test, plata de laur y domandes lëdies: 20 menüc, de chisc 10 menüc por s’arjigné ca. 

IMPORTANT: Por passé l’ejam vál debojëgn de altamo 60 de 100 punc.

Pro la proa de comprenjiun tl ascuté sö aldon un n iade su n test che döra 1,5 menüc. Sön la plata de laur él 4 domandes cun cater respostes. Ma öna na resposta é dërta. 

Dorada: ca. 10 menüc 

Chiló ciafëise n valgügn ejëmpli sön la proa de comprenjiun tl ascuté sö:  

Gherdëna

Ejëmpl 1: 1_Ascute_C1_Ghe-Lad [Audio] - 1_Platadelaur_C1_Ghe-Lad - 1_Soluzium_C1_Ghe-Lad 
Ejëmpl 2: 2_Ascute_C1_Ghe-Lad [Audio] - 2_Platadelaur_C1_Ghe-Lad - 2_Soluzium_C1_Ghe-Lad

Ladin dla Val Badia 

Ejëmpl 1: 1_Ascute_C1_Bad-Lad [Audio] - 1_Platadelaur_C1_Bad-Lad - 1_Soluzium_C1_Bad-Lad 
Ejëmpl 2: 2_Ascute_C1_Bad-Lad [Audio] - 2_Platadelaur_C1_Bad-Lad - 2_Soluzium_C1_Bad-Lad 

IMPORTANT: Sön les plates de laur dla proa de comprenjiun tl ascuté sö pól ma ester les crusc sön les respostes chirides fora. Vigni plata de laur mëss resté daldöt anonima. Porchël ne pón nia sotescrí o ajunté val' ater sëgn da chël che an podess capí che che i sëis. Tratan i ejams ne pón nia adoré dizionars monolinguai o bilinguai.  

Le de dl ejam ciafëise n test cun trëi compic:

• scrí n ressumé dles informaziuns prinzipales dl test (100-120 parores)  
• presenté la minunga personala sön le tema dl test (80 cina 100 parores)  
• scri fora n test da loces (ca. 100 parores) 

Dorada: 90 menüc

Al mëss gní scrit frases intieres; jö insom le test él da dé dant le numer dles parores. Ala fin dla proa scrita ti mëss la plata cun le test gní dada jö ala comisciun.

Al vëgn valuté chëstes competënzes: 

• Ademplimënt di compic  
• Coerënza y fluidité  
• Capazité d'espresciun  
• Coretëza gramaticala  

Chiló ciafëise n valgügn ejëmpli dla proa a usc:

Gherdëna 

Ejëmpl 1 Todësch - Ladin de Gherdëna: 1_Compic_C1_Ghe-De - 1_Soluziun_C1_Ghe-De 
Ejëmpl 2 Todësch - Ladin de Gherdëna: 2_Compic_C1_Ghe-De - 2_Soluziun_C1_Gh-De 

Ejëmpl 1 Talian - Ladin de Gherdëna: 1_Compic_C1_Ghe-Ita - 1_Soluziun_C1_Ghe-Ita 
Ejëmpl  2 Talian - Ladin de Gherdëna: 2_Compic_C1_Ghe-Ita - 2_Soluziun_C1_Gh_ita 

Ladin dla Val Badia

Ejëmpl 1 Todësch - Ladin dla Val Badia: 1_Compic_C1_VB-De - 1_Soluziun_C1_VB-De 
Ejëmpl 2 Todësch - Ladin dla Val Badia: 2_Compic_C1_VB-De - 2_Soluziun_C1_VB-De 

Ejëmpl 2 Talian - Ladin dla Val Badia: 1_Compic_C1_VB-Ita - 1_Soluziun_C1_VB-Ita 
Ejëmpl 2 Talian - Ladin dla Val Badia: 2_Compic_C1_VB-Ita - 2_Soluziun_C1_VB-Ita

IMPORTANT: Sön les plates de laur dla proa de comprenjiun tl ascuté sö pól ma ester les crusc sön les respostes chirides fora. Vigni plata de laur mëss resté daldöt anonima. Porchël ne pón nia sotrissé o ajunté val' ater sëgn da chël che an podess capí che che i sëis. Tratan i ejams ne pón nia adoré dizionars monolinguai o bilinguai. 

Proa a usc y proa de comprenjiun: 20 menüc, de chisc 10 menüc por s’arjigné ca. 

Proa de comprenjiun: I ciafëis na plata de laur cun n test por ladin y cater domandes, trëi de chëstes reverda le contignü dl test y la cuarta é la basa por la conversaziun lëdia.   

Proa a usc: Ara mët man cun na picia presentaziun. Ala fin ves vëgnel fat la cuarta domanda sön la plata de laur che öga por na conversaziun lëdia. I podëis ves anuzé de ostes notizes por so desfiramënt. Pro la secunda pert dla proa vëgnel fat domandes lëdies. 

Al vëgn valuté chëstes competënzes:

• Ademplimënt di compic   
• Coerënza y fluidité   
• Capazité d'espresciun  
• Coretëza gramaticala   

Chiló ciafëise val‘ ejëmpli por la proa a usc dl livel C1:

Ejëmpl 1 Gherdëna 
Ejëmpl 2 Gherdëna 

Ejëmpl 1 Ladin dla Val Badia
Ejëmpl 2 Ladin dla Val Badia

IMPORTANT: Vigni plata de laur mëss resté daldöt anonima. Porchël ne pón nia sotrissé o ajunté val' ater sëgn da chël che an podess capí che che i sëis. Tratan i ejams ne pón nia adoré dizionars monolinguai o bilinguai.

L'ejam a usc vëgn tut sö por gní protocolé, sciöche preodü dai criters varënc aprová cun deliberaziun dla Junta provinziala n. 183 di 07.03.2023.

Istruziuns sön co se comporté tratan l’ejam. 

Ciaredeti a nosta plata sön co s’arjigné ca al ejam de Ladin. Chiló ciafëise informaziuns d’öga, consëis y links por s’arjigné ca al ejam. 

Ciaredeti ala tabela de autovalutaziun linguistica dl Cheder de referimënt europeich en comunanza por i linagc olache al vëgn descrit avisa les competënzes che vá debojëgn por le livel C1 y düc i atri liví.