FAQ

Chi che mei possa se scrì ite ai ejams, unfat can y unfat ciuna che sibe si zitadinanza.  

• Data: 02/20/2024

L ie puscibl se scrì ite sibe tres SPID sibe tres CIE (cherta d’identità eletronica). Sce ne stajëis nia tla Talia, sce ne ëis degun codesc fischel talian o sce ne ëis nia n numer de fonin talian, pudëis adurvé i formuleres per ve scrì ite. Mandëdi ite tres e-mail a el@provinzia.bz.it.  

• Data: 02/20/2024

Da d’ansciuda dl 2021 incà pieta truep chemuns tl Südtirol l servisc de purtela per l’ativazion dl SPID cun l provider Lepida. Jide sun la plata dedicheda per liejer duta la nfurmazions. 

• Data: 02/20/2024

Tlo abinëis n tlarimënt scëmpl y acumpanià. Sce no pudëis nes cuntaté tres na e-mail a el@provinzia.bz.it o tres telefon: 0471 414100.   

• Data: 02/20/2024

Per pudëi liejer l nvit al ejam tlichëde sun l link “myCIVIS” che ie cuntenì tla e-mail, cuntrolëde vosc Servijes, jide ite cun vosc cont SPID, tlichëde sun “Iscrizion al ejam de bi- o trilinguism” (detai) y po sun “duc i documënc” dl messaje da dant. Tlo abinëis la spligazion cun imajes.  

• Data: 02/20/2024

L livel dl ejam ne ie nia lià al titul de stude y l ne vën nianca damandà. 

• Data: 02/20/2024

Chësc ne ie purtruep nia puscibl per rejons de urganisazion. 

• Data: 02/20/2024

No, pudëis crì ora a na maniera liedia l livel n basa a vosta cunescënzes linguistiches y zënza tenì cont dl titul de stude.

• Data: 02/20/2024

Mpue coche l ie per la zertificazions linguistiches recunesciudes a livel europeich, valutea l ejam de bilinguism la cunescënzes linguistiches individueles se urientan aldò dla grilia di descritëures dl Cheder de referimënt europeich n cumenanza per i lingac.

• Data: 02/20/2024

Cuntatënes per telefon 0471 414100 o tres e-mail el@provinzia.bz.it per giapé istruzions. Ne purvëde a uni moda nia a fé na segonda iscrizion. 

• Data: 02/20/2024

Sci, i mutons/la mutans sot a dejedot ani possa se scrì ite ai ejams cun l SPID di genitores o cun la CIE (cherta d’identità eletronica). L’età minima per i livei A2 y B1 ie 14 ani, per i livei B2 y C1 16 ani.

• Data: 02/20/2024

L ie mé puscibl se scrì ite per l livel B2 do che n à cumplì 16 ani. 

• Data: 02/20/2024

Fajëdel al savëi cun na e-mail a el@provinzia.bz.it. Se cruzieron de cialé do sce la dumanda ie unida data ite sciche l toca te nosc sistem.

• Data: 02/20/2024

L nvit vën dat ite te vosc raion persunel myCIVIS plu o manco n mëns dan la data dl ejam. Oradechël unirëis nce nfurmei tres e-mail y/o SMS sce ëis ativà chësta mpustazion te vosc raion persunel. 

• Data: 02/20/2024

L nvit vën depusità te vosc raion persunel myCIVIS plu o manco n mëns dan la data dl ejam. Oradechël unirëis nfurmei tres e-mail y/o SMS sc ëis ativà chësta mpustazion te vosc raion persunel. 

• Data: 02/25/2024

No, n ne possa nia crì ora n di y nianca l tëmp canche n ulëssa fé l ejam. Per ntraunides nia ududes danora iel puscibl spusté la data dl ejam tl tëmp de 30 dis dal termin dat dant. Jide sun la plata dedicheda problems cun la data d’ejam.

• Data: 02/25/2024

Prëibel cuntatënes tres l numer de telefon 0471 414100 o scrijënes na e-mail a el@provinzia.bz.it dan che la va. Puderëis fé ora na data d’ejam nueva.

La desdita dl di dl ejam ie ublienta y da fé almanco trëi dis de lëur dan la data d’ejam, sce no vënien stluc ora dai ejams per sies mënsc. L ejam possa oradechël unì spustà mé un n iede tl tëmp de un n mëns dala data d’ejam data dant. 

• Data: 02/25/2024

L ie de ublianza desdì l ejam y n muessa l fé almanco trëi dis de lëur dan la data d’ejam, ora che tl cajo de ezezions cun rejons desmustredes. L mancë dla comunicazion dl’assënza ie gauja de estlujion dai ejams per n tëmp de sies mënsc. Jide sun la plata dedicheda: problems cun la data d’ejam. 

• Data: 02/25/2024

L plu abenëura che la va, acioche d’autra persones posse fé l ejam n chël di. L ie mé puscibl fé dumanda de sburdlé la data d’ejam un n iede tl tëmp de n mëns y la dumanda muessa unì prejenteda almanco trëi dis de lëur dan la data preududa, ora che te caji d’ezezion cun rejons desmustredes. Jide sun la plata dedicheda: problems cun la data d’ejam.

• Data: 02/25/2024

L ie mé puscibl fé dumanda de sburdlé la data d’ejam un n iede tl tëmp de n mëns dala data data dant. La dumanda muessa unì prejenteda almanco trëi dis de lëur dan la data preududa, ora che te caji d’ezezion cun rejons desmustredes.

• Data: 02/25/2024

Mo n spustamënt possa mé unì cunzedù per gauja de malatia documenteda cun zertificat medich.

• Data: 02/25/2024

Sci y per fé chësc iel unì njinià chësc formuler da scrì ora aldò dla istruzions. Jide sun la plata dedicheda: problems cun la data d’ejam.

• Data: 02/25/2024

Jide sun la plata dedicheda: problems cun la data d’ejam.

• Data: 02/25/2024

L nes desplej, l ne ie deguna lueges alternatives: l ejam possa mé unì fat tla sënta de Bulsan, tla via Garibaldi 14 pröma alzada sot tera.

• Data: 02/26/2024

Per damandé mesures cumpensatives per pudëi fé l ejam, jide sun la plata dedicheda Mesures de cumpensazion y de sustëni.

• Data: 02/26/2024

Jide sun la plata dedicheda.

• Data: 02/26/2024

Tl ciamp privat possa l datëur de lëur dezider aldò che l miena. Uni Aministrazion publica regulea chësc n basa a si cuntrat culetif. Te uni cajo, nfurmëve diretamënter pra vosc ufize dl personal.

• Data: 02/26/2024

L ejam scumëncia for avisa a tëmp y ëura. Tl cajo che n ie tardives ne vënien nia plu lascei pro al ejam. Pudëis damandé do pra l pont nfurmazions de fissé na data d’ejam nueva a cundizion che ne ëise nia bele dant sburdlà l ejam.

• Data: 02/26/2024

Sce ne ëis degun documënt d’identità ne pudëis nia fé l ejam.

• Data: 02/26/2024

Tl tëmp de trëi dis de lëur vëniel dat ite te vosc raion persunel de myCIVIS l resultat dl ejam y l’atestazion de partezipazion al ejam. Sce assais bele de bujën n chël di de n’atestazion de presënza damandëde do dan l ejam scrit tl secretariat o al secreter/ala secretera dla cumiscion d’ejam.

• Data: 02/26/2024

La proa d’ejam vën anuleda sce: 

• l vën adurvà na pëna de culëur defrënt dal brum o fosch o n rispl; 
• l ie sun una dla plates sënies de recunescimënt dl’identità de chi che fej l ejam (p. ej. inuem y cuinuem, la sotscrizion o d’autri sënies de recunescimënt); 
• un o de plu plates ie zaredes;
• l vën adurvà maiatintes (Tipp-Ex), pelicules y licuic per curezions o d’autri curetëures; 
• la produzion scrita ne vën nia fata tl lingaz damandà; 
• una dla plates ne vën nia data ju (plata de lëur o plata de protocol); 
• mé per l ejam de bilinguism: sce tramedoi temesc per tudësch y per talian vën scric sun la medema plata de protocol. 

• Data: 02/26/2024

Pudëis menadrë fé na curezion, straican a fosch la resposta faleda y metan na crëusc nueva pra la drëta resposta.

• Data: 02/26/2024

L ejam de bilinguism ie metù adum da cater proes che ne possa nia unì spartides y che cumporta l resultat finel. La proes singules ne possa perchël nia unì fates mo n iede.

• Data: 02/26/2024

I ejams a usc scumëncia dala 13:30. N va do l orden alfabetich.

• Data: 02/26/2024

L ejam muessa unì fat te duta si pertes acioche l vele. 

• Data: 02/26/2024

L self d’aspiteda dedora, che ie te uni cajo for mo tla frabica, resta for daviert, chël dedite vën alincontra stlut dala 12:30 ala 13.30.

• Data: 02/26/2024

L ejam vën fat zënza l aiut de n vocabuler.

• Data: 02/26/2024

L resultat dl ejam vën fat al savëi tl tëmp de trëi dis de lëur te vosc raion persunel de myCIVIS. Iló abinerëis nce la plata de valutazion y l’atestazion de partezipazion al ejam.

• Data: 03/20/2024

Fajëdeti al savëi debota la ntraunida al Servisc ejams: la gauja pudëssa vester n problem tecnich. Pernan che l problem ie metù a post unirà l resultat dl ejam dat ite te vosc raion persunel de myCIVIS.

• Data: 03/20/2024

L resultat dl ejam ne daussa nia unì comunicà no per telefon no tres e-mail. Tl tëmp de trëi dis de lëur vën l resultat dl ejam dat ite te vosc raion persunel de myCIVIS.

• Data: 03/20/2024

La plata cun la valutazions per duta la proes dl ejam dla cumiscion d’ejam vën automaticamënter data ite te vosc raion persunel de myCIVIS. L ie oradechël puscibl damandé tres na e-mail, njuntan l documënt d’identità, na copia dla produzions scrites. L ne ie alincontra nia puscibl giapé na copia di tesć d’ejam, ajache chësta plates de lëur cun la cunsënies curespundëntes ne ie nia de dumine publich. Ëis la puscibltà de unì de persona pra l Servisc ejams per ti cialé a vosc lëures do che ëis fat ora n apuntamënt. Cherdënes su al numer 0471 413900 o scrijënes a el@provinzia.bz.it.

• Data: 03/20/2024

L ejam vën valutà te si pertes defrëntes da uni cumpunënt singul/cumpunënta singula dla cumiscion, che mët ite si valutazion tla forma eletronica. L resultat cumplessif vën elaburà dal computer. L ejam ie positif sce n arjonj ala fin almanco 60 ponc sun 100 te tramedoi lingac.

• Data: 03/20/2024

Duta la proes d’ejam vën valutedes aldò di descritëures per uni livel dl Cheder de referimënt europeich n cumenanza per i lingac (link al pdf dl QCERL). Per la valutazion dl lëur scrit y dla proa a usc vëniel oradechël tëut n cunscidrazion chësta cater cumpetënzes: ademplimënt dl duvier, strutura y coerënza, lessich y curetëza. 

• Data: 03/20/2024

No, l ne ie nia de bujën. Uni candidat y uni candidata se njinia coche ël o ëila uel.

• Data: 03/24/2024

Uni persona che uel fé l ejam ie liedia de crì ora i cursc y i materiai che ti sà de utl per arjonjer l livel de cumpetënza linguistica dejidreda. 
Pra l ejam tënden a ti dé mpurtanza ala cumpetënzes individueles che pudrëis mëter a lum tla proes, ajache les vëija danora, danter l auter, na produzion liedia sibe scrita sibe a usc. 
Daviadechël ne vëniel no scrit dant indicazions no culezions terminologiches liëntes. L urientamënt ie chël de dé ala cunescënzes acuisides na funzion mé comunicativa. Cialëde n chësc cont cie che ie ndicà sun la plata sun la preparazion.

• Data: 03/24/2024

Esercitati con gli esempi per ogni modulo d’esame presenti nella pagina dedicata a ciascun livello del sito:
per l'esame di bilinguismo: C1, B2, B1 e A2;
per l'esame monolingue: C1, B2, B1 e A2;
per l'esame di ladino: C1, B2, B1 e A2.

Puoi trovare utilissimi consigli sia sulla pagina dedicata alla preparazione del nostro sito sia sul portale delle lingue dell’Alto Adige.

• Data: 03/24/2024

Sun nosta plata web iel da garat n valgun ejëmpli per uni sort de proa de chëla che l ejam ie metù a dum. Sce ulëis fé mo deplù eserzizies pudëis nce ti cialé ai tests per i livei defrënc publichei tl internet dai Ënc Zertificatëures per l lingaz talian y tudësch tenian danz cont che ntan l ejam de bilinguism muessa i lëures suvënz unì fac dal talian al tudësch o dal tudësch al talian.

• Data: 03/24/2024

La dumanda de recunescimënt de zertificazions linguistiches vën fata online tres SPID o CIE. Do che ëis fat l login jide a “iscrizion online”, tlichëde l livel y po jide sun “ejam monolinguel do l recunescimënt de na zertificazion linguistica” o sun “recunescimënt de doi zertificazions linguistiches” y ciariede su vosta zertificazion/zertificazions tl format PDF.

• Data: 03/25/2024

La dumanda de recunescimënt de zertificazion linguistica dà automaticamënter azes al ejam monolinguel tl lingaz nia zertificà. Perchël ne messëis nia mo fé d’autra dumandes.

• Data: 03/25/2024

La zertificazions cumpededes su tla tabela online ie chëles plu cunesciudes, ma l ie nce truepa d’autra zertificazions recunesciudes a livel internaziunel che fej referimënt al Cheder de referimënt europeich n cumenanza per i lingac. Per deplù nfurmazions cuntatënes: 0471 414100.

• Data: 03/25/2024

Unfat ciun che ie vosc prim lingaz vëij l D.P.R. 752/1976 danora che l ejam vënie fat nce per l lingaz mo nia zertificà. Te vel caji ne ie, oradechël, l prim lingaz no l talian y no l tudësch.

• Data: 03/25/2024

Purtruep no, chësc ne ie nia puscibl, messëis renunzië ala iscrizion o ala data d’ejam che ve ie unida assenieda. Dadedò puderëis mandé ite la dumanda de recunescimënt dla zertificazion linguistica che ëis tla man.

• Data: 03/25/2024

Aspiterëis al plu n mëns. N cunsiëia de fé referimënt ala persona che se cruzia dla pratica n cajo de prësces particuleres.

• Data: 03/25/2024

No, l vel mé la zertificazions linguistiches. Ne pudon nia azeté no atestac de partezipazion no de superamënt dl curs nce sce l livel ie preudù dal Cheder de referimënt europeich n cumenanza per i lingac (QCERL). Zertificac linguistics reconesciüs 

• Data: 03/25/2024

Chësc ie mé preudù per l livel C1. Sce ëis na zertificazion linguistica C1 te un di doi lingac y n titul de stude universiter tl auter lingaz, pudëis damandé l recunescimënt. La cundizion ie che almanco l 80% di ejams sibe unii fac tl lingaz damandà. Deplù nfurmazions.

• Data: 03/25/2024

La zertificazion linguistica NE remplazea NIA l atestat de bilinguism, ma pudëis n damandé l recunescimënt per giapé l atestat de bilinguism. Messerëis pona fé y superé pra nosc Servisc l ejam monolinguel tl lingaz nia zertificà.

• Data: 03/25/2024

Nce per l recunescimënt de tituli de stude muessen se nuzé dl SPID o CIE. Do che ëis fat l login, ciariede su la documentazion damandeda tl format PDF.

• Data: 03/26/2024

Ajache per l recunescimënt de n titul de stude universiter iel de bujën che almanco l 80% di ejams sibe unìi fac tl lingaz damandà, coche l ie stabilì dala delibra n. 361 dl 1 d’auril 2014.

• Data: 03/26/2024

Tres n’autozertificazion, spezifican cun man l lingaz dlongia uni ejam y sotscrijan l documënt.

• Data: 03/26/2024

Aspiterëis al plu n mëns. N cunsiëia de fé referimënt ala persona che se cruzia dla pratica tl cajo de prësces particuleres.

• Data: 03/26/2024

No, chësc ne ie nia puscibl. N chësc cont cialëde l art. 3, coma 9/quater y coma 9/sexies dl D.P.R. 752/1976.

• Data: 03/26/2024

Chësc ie mé preudù per l livel C1. Sce ëis na zertificazion linguistica C1 te un di doi lingac y n titul de stude universiter tl auter lingaz, pudëis damandé l recunescimënt. La cundizion ie che almanco l 80% di ejams sibe unii fac tl lingaz damandà. Deplù nfurmazions.

• Data: 03/25/2024

Uderëis l atestat tl format digitel te vosc raion persunel de myCIVIS al plu tert trëi dis do l ejam, sce l ëis superà. L ie sotscrit digitelmënter y l à valor leghel. Chësc uel dì che ne messëis nia unì a ve tò l atestat te nosta sënta ajache l atestat digitel ie bele l documënt uriginel.

• Data: 04/01/2024

L atestat digitel che ëis giapà possa unì stampà, ma l vel legalmënter mé tl format digitel y l possa unì mandà coche njonta tres e-mail. Sce ëis de bujën de na copia autenticheda pudëis unì te nosta sënta do che ve ëis anunzià y ntan i orares de ufize, cun n documënt d’identità che vel.

• Data: 04/01/2024

No, ajache aldò dla mudazions de lege che ie unides do vel l atestat de bilinguism per for.

• Data: 04/01/2024

Pudëis giapé n duplicat n damandan un tres e-mail y njuntan a chësta e-mail n documënt d’identità che vel. L duplicat ve unirà mandà tres e-mail.

• Data: 04/01/2024

Per giapé chësta nfurmazion damandëde prëibel do pra l’aministrazion a chëla che fajëis referimënt.

• Data: 04/01/2024