![[Link] Website - Provinzia autonoma de Bulsan - Südtirol](/css/img/APBZ_Logo_Website_DE_IT_LAD.svg){kind=logo}
Reconescimënc MA por le livel C1
Sciöche alternativa al ejam de bilinguism C1 y ai zertificac linguistics pól gní lascé avarëi, ma por le livel C1, chëstes combinaziuns:
- diplom de maturité te un n lingaz y titul de stüde universitar de pröm o secundo livel tl ater lingaz;
- titul de stüde universitar de pröm o secundo livel te un n lingaz y titul de stüde universitar de livel superiur tl ater lingaz;
- titul de stüde universitar te un n lingaz y zertificat linguistich C1 tl ater lingaz;
- titul de stüde universitar te un n lingaz y ejam monolingual C1 tl ater lingaz.
La condiziun é che almanco l'80% di ejams tl cheder dl plann de stüde vëgnes dé jö tl lingaz damané.
BUN DA SAVËI: Chisc stüdi ne vëgn nia reconesciüs deache ai ne vëgn nia tignis dantadöt te un di dui lingac (todësch o talian):
- le stüde te trëi lingac tl'Université Lëdia de Balsan;
- le stüde te dui lingac tla Scora Universitara provinziala "Claudiana";
- le stüde de diplom integré te dui lingac de iurisprudënza (Diplomstudium der Rechtswissenschaften) al'Université de Desproch.
Informaziuns sön la domanda de reconescimënt di titui de stüde
Che che é en posses de öna dles combinaziuns de titui de stüde nominades dessura o de n titul de stüde universitar pó fá domanda de reconescimënt y, aladô di caji, ciafé l'atestat de bilinguism C1 zënza messëi fá ejams surapró o dé jö l'ejam monolingual C1 tl ater lingaz.
La domanda de reconescimënt de titui de stüde pó gní fata canchemai online tres le SPID o la cherta d'identité eletronica CIE. Clichede sön “Iscriziun online”, chiride fora le livel C1 y spo o "Ejam monolingual do le reconescimënt de n titul de stüde universitar" o "Reconescimënt de titui de stüde" o "Reconescimënt de n zertificat linguistich y de n titul de stüde universitar". I messëis injunté na copia de trami i titui de stüde, sciöche ince le plann de stüde cun l'indicaziun dl lingaz te chël che i ëis dé jö i ejams.
Pornache osta domanda de reconescimënt é gnüda ejaminada y aprovada ves gnarál mené na e-mail y/o n sms cun l'invit da jí te osc raiun personal myCIVIS tres le SPID olache i ciafarëis diretamënter osc atestat de bilinguism te n format digital.
L'atestat de bilinguism á validité iuridica ma tl format digital. I n’ëis nia plü bria da gní te nosc ofize a tó l'atestat sön papier, ajache sëgn é l’atestat digital chël original. L’atestat de bilinguism vel por tres.
Ince le documënt cun la lista de düc i atestac arjunc cina sëgn pó gní desćiarié te osc raiun personal myCIVIS. Chiló ciafëise le PDF cun les istruziuns por desćiarié i documënc.
Nce per l recunescimënt de tituli de stude muessen se nuzé dl SPID o CIE. Do che ëis fat l login, ciariede su la documentazion damandeda tl format PDF.
Ajache per l recunescimënt de n titul de stude universiter iel de bujën che almanco l 80% di ejams sibe unìi fac tl lingaz damandà, coche l ie stabilì dala delibra n. 361 dl 1 d’auril 2014.
Tres n’autozertificazion, spezifican cun man l lingaz dlongia uni ejam y sotscrijan l documënt.
Aspiterëis al plu n mëns. N cunsiëia de fé referimënt ala persona che se cruzia dla pratica tl cajo de prësces particuleres.
No, chësc ne ie nia puscibl. N chësc cont cialëde l art. 3, coma 9/quater y coma 9/sexies dl D.P.R. 752/1976.
Chësc ie mé preudù per l livel C1. Sce ëis na zertificazion linguistica C1 te un di doi lingac y n titul de stude universiter tl auter lingaz, pudëis damandé l recunescimënt. La cundizion ie che almanco l 80% di ejams sibe unii fac tl lingaz damandà. Deplù nfurmazions.