Iscriziun

L'iscriziun al ejam de bilinguism, avisa sciöche la domanda de reconescimënt de zertificac linguistics cun l'iscriziun eventuala al ejam te un n lingaz o la domanda de reconescimënt de titui de stüde pó gní fates canchessî online tres le SPID o la cherta d'identité eletronia (CIE). 

DA MËTE AVERDA: I podëis dagnora ma se scrí ite al ejam de un n livel.

Bun da savëi: 

• L'atestat de bilinguism é digital avisa sciöche l'atestat de ladin. Al á validité iuridica ma te chësta forma. Al vëgn deponü te na forma digitala te osc raiun personal myCIVIS olache al é ince da ciafé le resultat dl ejam, les valutaziuns dla comisciun d’ejam y l’atestat de presënza. 
• Les porsones de mëndra eté pó se scrí ite al ejam tres le SPID de sü geniturs o la cherta d'identité eletronica (CIE). 
• Che che n'á no la residënza tla Talia no n numer de codesc fiscal talian o n numer de telefon talian pó se scrí ite adoran chisc formulars chiló dessot che é da mené tres e-mail a el@provinzia.bz.it. 
• La data dl ejam pó gní antizipada por tó pert a n concurs publich. D’atres informaziuns: Problems cun la data d’ejam. 
• DA MËTE AVERDA: Le termin mëss gní desdit y chël altamo trëi dis da laur dan la data dl ejam, scenó vëgnon stlüc fora dai ejams por i sis mëisc suandënc. De plü informaziuns: Problems cun la data d'ejam.
• DA MËTE AVERDA: le de dl ejam ne vëgnel nia azeté intardiades. La rajun dl'intardiada mëss gní documentada atira, sce an ó n termin nü y an ó schivé la sospenjiun de sis mëisc.