C1 Livel aut

L orar dl scumenciamënt dl ejam ie scrit tla lëtra de nvit. L ie de bujën de vester presënc per tëmp y ëura. Tulëde pea n documënt d’identità che vel y na biro bruma o foscia. 
L ejam de bilinguism C1 ie metù adum da 4 modui.

L prim modul ie la proa de cumprenscion tl scuté su, che dura n 30 menuc.

Dadedò iel la proa de cumprenscion dl test scrit y la produzion scrita. Ëis dl’aurela 120 menuc. 

Canche jëis ora de tlas ala fin dla proa scrita udëis la indicazions di orars di ejams a usc tachedes ora pra usc.. I ejams a usc scumëncia dala 13:30. 

Per la proa a usc iel preudù 15 menuc de preparazion y 15 menuc d’ejam.

DE MPURTANZA: Per superé l ejam iel de bujën de arjonjer ala fin almanco 60 ponc sun 100 te tramedoi lingac. 

Pra la proa tl scuté su audiëis la registrazion de n test tl lingaz talian y chëla de n test tl lingaz tudësch. Messëis senië la drëta respostes tl medemo lingaz dl test che ëis permò audì. Dan scuté su ëis doi menuc de tëmp per liejer la plata de lëur cun la dumandes multiple choice, pona scutëis su l test y ala fin dla registrazion ëis mo doi menuc de tëmp per mëter la crëusc pra la respostes che ratëis sibe la drëtes. 
L test vën scutà su n sëul iede. 

Ejëmpl 1 
1_Scuté su_C1_talian [audio] - 1_Plata_de_lëur_C1_talian - 1_Soluzions_C1_talian 
1_Scuté su_C1_tudësch [audio] - 1_Plata_de_lëur_C1_tudësch - 1_Soluzions_C1_tudësch 

Ejëmpl 2 
2_Scuté su_C1_talian [audio] - 2_Plata_de_lëur_C1_talian - 2_Soluzions_C1_talian
2_Scuté su_C1_tudësch [audio] - 2_Plata_de_lëur_C1_tudësch - 2_Soluzions_C1_tudësch 

Ejëmpl 3
3_Scuté su_C1_talian [audio] - 3_ Plata_de_lëur_C1_talian - 3_Soluzions_C1_talian 
3_Scuté su_C1_tudësch [audio] - 3_Plata_de_lëur_C1_tudësch - 3_Soluzions_C1_tudësch   

DE MPURTANZA: La plates de lëur dla proa de cumprenscion tl scuté su daussa cuntenì mé y nia auter che la crëujes damandedes per ndiché la drëta resposta. Uni plata muessa resté anonima defin y perchël ne daussëis nia sotscrì la plata o fé lessú sënies de recunescimënt che possa lascé pensé a vosta identità. 
L ne ne ie nia preudù pudëi adurvé ntan l ejam dizioneres plurilinguei o dizioneres monolinguei. 

La proa de cumprenscion dl test scrit vën fata sun la plates partides ora. Giapëis n test per uni lingaz. La plates cuntën n test per talian cun dumandes per tudësch y n test per tudësch cun dumandes per talian. La dumandes ie cun respostes da pudëi crì ora o cun respostes drët y falà.
Daldò giapëis n test da loces da cumpleté cun chël che l vën verificà la curetëza linguistica. L ie diesc loces y per uniuna iel trëi pusciblteies de resposta da crì ora de chëles che mé una ie drëta.
L ultim duvier ie chël de scrì n test da vosc pont de ududa persunel sun l argumënt dat dant (140-160 paroles). Per dejëujer chësc duvier giapëis doi plates de protocol, una per uni lingaz. Canche ëis finà vosc tema messëis dé sëura l numer de paroles che ëis adurvà. Per chisc doi modui ëis a despusizion 120 menuc.

L vën valutà chësta cumpetënzes: 

• Ademplimënt dl duvier  
• Strutura y coerënza 
• Lessich
• Curetëza 

La njontes “talian” y “tudësch” ti inuemes di documënc di ejëmpli tlo dessot fej referimënt al lingaz dl test de partënza.

Ejëmpl 1
1_proa_scrita_C1_talian 
1_proa_scrita_C1_tudësch 

Ejëmpl 2
2_proa_scrita_C1_talian 
2_proa_scrita_C1_tudësch 

Ejëmpl 3
3_proa_scrita_C1_talian 
3_proa_scrita_C1_tudësch 

Ejëmpl 4
4_proa_scrita_C1_talian 
4_proa_scrita_C1_tudësch 

Ejëmpl 5
5_proa_scrita_C1_talian 
5_proa_scrita_C1_tudësch 

Ejëmpl 6
6_proa_scrita_C1_talian 
6_proa_scrita_C1_tudësch 

Ejëmpl 7
7_proa_scrita_C1_talian 
7_proa_scrita_C1_tudësch 

DE MPURTANZA: Uni plata muessa resté anonima defin y perchël ne daussëis nia sotscrì la plata o fé lessú sënies de recunescimënt che possa lascé pensé a vosta identità. 
Ntan l ejam ne iel nia preudù de pudëi adurvé no dizioneres plurilinguei no dizioneres monolinguei. 

Per la proa a usc giapëis una na plata cun doi tematiches. Pudëis crì ora te ciun lingaz che ulëis traté l prim argumënt, ntan che per l segondo argumënt ve nuzëis dl auter lingaz. Duc i ponc cumpedei su muessa unì tratei..
Dan l ejam a usc iel na fasa de preparazion che dura 15 menuc. Ntan che ve njiniëis pudëis ve fé vel nota che pudëis pona tò pea tla tlas d’ejam. 
Tl scumenciamënt dl ejam ve vëniel damandà de ve prejenté n curt, ma de chësc ne vëniel nia tenì cont pra la valutazion. I cumëmbri y la cumëmbres dla cumiscion possa fé dumandes sun uni pert dl ejam te tramedoi lingac. 

L vën valutà chësta cumpetënzes: 

• Ademplimënt dl duvier  
• Strutura y coerënza 
• Lessich 
• Curetëza 

Ejëmpli per la proa a usc: 

ejëmpl 1 
ejëmpl 2 
ejëmpl 3 
ejëmpl 4 

DE MPURTANZA: La cunversazion dl ejam a usc vën registreda per rejons de protocolazion. Chësc vën fat aldò di criters n forza che ie unic apurvei cun la deliberazion dla Jonta provinziela n. 183 di 07.03.2023.  
Te deguna pert dl ejam ne daussen rujené per dialet. 
Ntan i ejams ne iel nia preudù che n posse se nuzé de dizioneres bilinguei o monolinguei. 

Istruzions sun l cumpurtamënt ntan l ejam. 

Cialëdeti ala sezion dedicheda ala preparazion, abinerëis truep cunsëies de utl, ndicazions y links sun la preparazion al ejam.  

Cialëde la grilia de autovalutazion linguistica n basa al Cheder de referimënt europeich per i trëi lingac: iló udëis la descrizion dla cumpetënzes damandedes per l livel C1 y per uni auter livel.