![[Link] Website - Provinzia autonoma de Bulsan - Südtirol](/css/img/APBZ_Logo_Website_DE_IT_LAD.svg){kind=logo}
Problems cun la data d’ejam?
Assënza n l di dl ejam
Sce ne pudëis nia jì a fé l ejam iel de ublianza che l desdijëis y che l fajëis almanco trëi dis de lëur dan la data d’ejam, ora che per rejons desmustredes (ej. malatia atesteda da n zertificat medich).
DE MPURTANZA: La mancianza dla comunicazion dl’assënza tl tëmp dl termin nunzià dessëura sarà na rejon de estlujion dai ejams per n tëmp de sies mënsc y per l medemo tëmp ne puderëis no ve scrì ite a n ejam no giapé antizipazions dla data d’ejam.
Cuntatënes tres e-mail: el@provinzia.bz.it o cherdëde su l numer: 0471 414100.
Spustamënt dla data d’ejam
Comunichënes riesc, pernan che ëis giapà l nvit al ejam, sce ne pudëis nia vester presënc n l di dl ejam ndicà tl nvit.
DE MPURTANZA: L ie puscibl damandé de spusté la data d’ejam n sëul iede tl tëmp de un n mëns y la dumanda muessa unì prejenteda almanco trëi dis de lëur dan la data nstëssa, ora che te caji d’ezezion per rejons desmustredes.
Cuntatënes tres e-mail: el@provinzia.bz.it o cherdënes su tres l numer: 0471 414100 y l ve unirà assenià na data d’ejam nueva l plu abenëura puscibl.
Antizipazion dla data d’ejam
L ejam possa mé unì antizipà n sëul iede per tò pert a n cuncors publich che unirà tenì te n tëmp curt y per chël che l vën damandà d’avëi l atestat de cunescënza dl lingaz talian y dl lingaz tudësch, for a cundizion che l sibe puscibl dal pont d’ududa urganisatif.
DE MPURTANZA: Per damandé l’antizipazion dla data d’ejam, nuzëve dl formuler aposta, l mandan tres na e-mail tl format PDF adum cun la documentazion curespundënta (p.ej. indizion dl cuncors) a: el@provinzia.bz.it.
Per deplù nfurmazions cherdënes su tres i numeri 0471 414100 o scrijënes: el@provinzia.bz.it
Posć d’ejam liedesc last minute
Ve ëis’a bele scrit ite al ejam de bilinguism? Fassais’a a una de ve prejenté al ejam cun n avis danora nce mé de 3 dis? Po cherdëde su l Servisc ejams per purvé a giapé na data d’ejam te n tëmp curt. Sce l ie la despunibltà ve uniral bele comunicà al telefon la data de n post liede y giaperëis l nvit ufiziel sun myCIVIS.
DE MPURTANZA: De chësta puscibltà possen mé se nuzé un n iede tl tëmp de n ann.
Cherdëde su l numer: 0471 414100.
Ultimo ajornamënt: 02/10/2025