![[Link] Website - Provinzia autonoma de Bulsan - Südtirol](/css/img/APBZ_Logo_Website_DE_IT_LAD.svg){kind=logo}
L ejam de bilinguism
I ejams de bilinguism ie unic istituii tl 1976 tres l D.P.R. n. 752 di 26 de lugio 1976 n atuazion dl Statut d’autonomia y vën dejëuc dal 1977.
Cun l ejam de bilinguism vëniel atestà la cunescënza dl lingaz tudësch y dl lingaz talian. L ie cater livei d’ejam: C1, B2, B1, A2 y pra uni livel ie l ejam metù adum da cater modui: na proa de cumprenscion tl scuté su, na proa de cumprenscion de n test scrit, na produzion scrita y na proa a usc.
I livei d’ejam curespuend ala cunescënzes damandedes n basa al titul de stude preudù per la funzions defrëntes tl’aministrazion publica. L atestat de bilinguism ie, defati, n recuisit che n muessa avëi per lauré tl'aministrazion publica dl Südtirol.
L atestat de bilinguism vel per for y possa unì recunesciù a livel europeich sciche l’autra zertificazions linguistiches internaziuneles ajache l va a una cun l Cheder de referimënt europeich n cumenanza per i lingac (QCERL).
Nfurmazions de utl sun l ejam de bilinguism
Duta la persones nteressedes possa se scrì ite al ejam de ladin coche les possa nce damandé l recunescimënt de zertificazions linguistiches o tituli de stude. L’amiscion al ejam de bilinguism ne ie nia lieda a n titul de stude.
L’età minima per i livei C1 y B2 ie de 16 ani, per i livei B1 y A2 de 14 ani.
L’iscrizion ai ejams coche nce la dumandes de recunescimënt dla zertificazions linguistiches cun la iscrizion eventuela al ejam monolinguel y di tituli de stude possa unì fates canchemei online, tres SPID o tres CIE (cherta d’identità eletronica).
Pudëis for mé ve scrì ite a n livel d’ejam sëul. Permò canche ëis bele fat l ejam pudëis ve scrì ite da nuef per l medemo ejam o per l ejam de n auter livel.
I ejams y i recunescimënc ie debant.
A Balsan tla via Garibaldi 14, pröma alzada sot tera.
Da n lunesc a n vënerdì ntan dut l ann. L ejam scumëncia dala 8:30 y duc i modui (proa de cumprenscion a usc, proa de cumprenscion tl scuté su, produzion scrita y proa a usc) vën fac n l medmo di.
DE MPURTANZA: la candidates y i candidac bele nviei al ejam ma che ne possa nia se presenté n l di stabilì per rejons de sanità o per gaujes de forza plu auta, possa spusté un n iede la data dl ejam tl tëmp de 30 dis dala data dl prim nvit, l tleca cherdé su l numer 0471 414100 o scrì na mail el@provinzia.bz.it.
La desdita dla data d’ejam ie de ublianza y da fé almanco trëi dis de lëur dan la data dl ejam, sce no vënien stluc ora dai ejams per n tëmp de sies mënsc.
La data d’ejam possa nce unì antizipeda per pudëi tò pert a n cuncors publich.
L calënder di ejams vën laurà ora eletronicamënter aldò de n orden cronologich rigurëus. I tëmps d’aspiteda depënd dal numer de persones scrites ite per i livei singuli. Per nfurmazions plu prezises n chësc cont chërdenes su al numer 0471 414100 o scrijënes a: el@provinzia.bz.it.
De plu nfurmazions: Problems cun la data d’ejam
L resultat dl ejam depusità tl tëmp de trëi dis de lëur do la data dl ejam te vosc raion persunel de myCIVIS. Ala medema maniera giaperëis nce la valutazions dla cumiscion d’ejam y l atestat de presënza.
Sce ulessais avëi na copia de vosta proa d'ejam scrita, pudëis nes mandé na e-mail a a el@provinzia.bz.it njuntan na copia de n vosc documënt d’identità cun na fotografia.
Pudëis nce fé ora n apuntamënt per unì a ti cialé persunalmënter a vosta proa scrita. L apuntamënt possa unì tëut tres e-mail.
Sce sëis passei pra l ejam unirà vosc atestat de trilinguism tl format digitel diretamënter depusità te vosc raion persunel de myCIVIS. L ne ie nia de bujën che unieis persunalmënter a ve tò l atestat de papier, ajache l atestat digitel curespuend al uriginel. L documënt vel per for.
L ie oradechël mesum, jan ite te vosc raion persunel de myCIVIS, de desćiarië i atestac che ëis arjont. Tlo udëis coche pudëis l fé (PDF).
I 4 livei defrënc dl ejam de bilinguism
Ultimo ajornamënt: 02/10/2025