Reconescimënt de zertificac linguistics

Dötes les porsones interessades che á un o plü zertificac linguistics che é gnüs relasciá da n ënt reconesciü a livel internazional pó damané che ai vëgnes reconesciüs por arjunje insciö l'atestat de bilinguism.
L'eté minima por i liví C1 y B2 é 16 agn, por i liví B1 y A2 14 agn.

I podëis damané le reconescimënt di zertificac linguistics online tres le SPID o la cherta d'identité eletronica (CIE). Clichede sön "iscriziun online", chiride fora le livel, clichede spo sön "Ejam te un n lingaz do le reconescimënt de n zertificat linguistich". Injuntede osc zertificat linguistich tl format PDF. 

Pornanche osc zertificat linguistich vëgn reconesciü podëise jí a fá l'ejam monolingual tl lingaz nia zertifiché tla sënta di ejams de bilinguism. Sce i passëis l'ejam ciafëise automaticamënter l'atestat de conescënza dl lingaz talian y todësch.

Sce i ëis bele dui zertificac linguistics, un por talian y l'ater por todësch dl medemo livel, n'ëise nia bria da dé jö n ejam monolingual. I podëis damané che al ves vëgnes reconesciü trami i zertificac linguistics, dagnora online cun le SPID o la cherta d'identité eletronica (CIE). Do avëi chirí fora le livel, clichede sön "Reconescimënt de dui zertificac linguistics" y injuntede üsc zertificac linguistics tl format PDF. 

La domanda de reconescimënt de zertificac linguistics y l'ejam te un n lingaz che é eventualmënter da fá é debann. 

Se scrí ite
L’iscriziun online vare por vare

A Balsan tla via Garibaldi 14, tla pröma alzada sot tera. 

I ejams te un n lingaz vëgn tignis fora por döt l'ann. Ai scomëncia dales 8:30. Dötes les cater perts dl ejam vëgn tignides le medemo de.

IMPORTANT: Sce i ne sciafiës nia da gní a fá l’ejam en le de stabilí por rajuns cumprovades de sanité o de forza plü alta podëise sposté le termin dl ejam un n iade y tl tëmp de 30 dis dala data d'ejam originara. Scriesse na e-mail a el@provinzia.bz.it o cherdede sö le numer de telefon: 0471 414100.  

Le termin mëss gní desdit y chël altamo trëi dis da laur dan la data dl ejam. Sce l’assënza ne vëgn nia lasciada alsavëi adora assá, vëgnon stlüc fora dai ejams por i proscimi sis mëisc.  

Sce i adorëis l'ejam de bilinguism por podëi tó pert a n concurs publich podëise damané che l'ejam vëgnes antizipé.  

Le calënder d'ejam vëgn lauré fora eletronicamënter aladô dl ordin cronologich dles iscriziuns, porchël depënn i tëmps da aspeté dal numer de porsones scrites ite por vigni livel. Por de plü informaziuns cherdede sö le 0471 414100 o menede na e-mail a el@provinzia.bz.it.

De plü informaziuns: Problems cun la data d’ejam   

Le resultat dl ejam vëgn lascé alsavëi te trëi dis da laur do la data dl ejam, te osc raiun personal de myCIVIS. Dailó sarál ince da ciafé les valutaziuns dla comisciun d’ejam y l’atestat de presënza. 

Sce i orëis na copia de osc ejam scrit, podëise nes ortié na e-mail a el@provinzia.bz.it. Injuntede prëibel ince na copia de osta cherta d’dentité. 

Sce i orëis n termin por ti ciaré personalmënter ala proa d'ejam, cherdede sö le numer de telefon 0471 413900 o ortiesse na e-mail por fá fora denant n termin. 

Sce i ëis passé l’ejam rovará osc atestat de bilinguism tl format digital diretamënt te osc raiun personal de myCIVIS. Chësc documënt vel a livel iuridich ma tl format digital. I n’ëis nia plü bria da gní te nosc ofize a se tó l'atestat sön papier, ajache sëgn é l’atestat digital chël original. L’atestat de bilinguism vel por tres. 

Ince le documënt cun la lista de düc i atestac arjunc cina sëgn pó gní desćiarié te osc raiun personal myCIVIS. Chiló ciafëise le PDF cun les istruziuns por le download.